WebLog de Fernando Fraga

Hai tempo que teño unha conta Flickr pero con moi pouco uso. Estes días, aproveitando o descanso (¿?) das vacacións (¿?) insertei na plantilla do Blog o meu propio album.

Flickr, unha das ferramentas paradigmáticas da, seguindo termos tecnolóxicos, denominada Web 2.0 (¿quen quere quedar na 1.0 neste avance imparable?, se cadra xa estamos nos algúns insisten en continuar denominando en clave de revisións na 3.0 ou vaite ti saber e seguramente sen decatarnos).

Sen embargo, facer pública parte da miña vida e empregar esta nova ferramenta no traballo con Blogs implica facer un xuízo, unha delimitación de onde queres poñer o límite entre o público e o persoal. Amosar gratuitamente o noso interior, o que nos identifica, a nosa historia pode levarnos á perda do propio, da intimidade.

Sen querer rebasar ese límite, que teño moi claro, expoño unha parte da miña vida, a través de fotografías, entendendo que o criterio de selección todavía permite manter a salvo esa intimidade tan necesaria.

Espero que as disfrutedes.